這一年，說一生是一場修練也不為過，好難
第一，工作好難。
飛咗一個Trip，造就一單Deal，崗位到咗完全另一種層次，舊的崗位要用墊住底嘅十年功去震住，新的崗位要用新思維新視野新模式鬥智鬥法去應付。不停學習增強能力之餘，也要學習職場博弈之道，做人要腹黑一點、狼性增強一點、要臨危不懼。
要改變自己，談何容易，要無懼犯錯，又要不停嘗試練習。其實我只想係團隊入面搵到個角色，無諗過嘅係，團隊係要前進成長所以自己都要 keep 住 take up 新挑戰。越大個人，就越發覺成長係一件越嚟越難嘅挑戰。
終於明白，點解有啲人嘅職業生涯就咁安於現狀哋止步，點解有啲人放棄一片光明前途去創業。好羡慕，可以清楚自己奮鬥到邊個位識停，又或係揀係邊個戰場奮鬥，又或者搵到人生嘅 Calling。
冀望我都有咁嘅境界
第二，感情好難。
教科書電影小說大眾文化歌頌嘅美好家庭關係，好爸爸，好媽媽，相親相愛，原來唔係教細路，係畀個願景畀我哋呢啲學習建立家庭嘅初階者，乜嘢為之「理想」。而理想，現實其實等於你想，唔係佢想。奉勸大家唔好再FF落去。
有一刻，我真係好想將呢啲嘢丟晒落海。
原來夫妻之道，2個人嘅親密關係，雙方性格使然配出黎嘅相處方式，五花八門，大開眼界，無絕對岩或錯。
感情出現裂痕，當然唔係一朝一夕。雙方係不同嘅心理需求階段，究竟承受咗幾多，又點樣去紓解，各人有唔同嘅方式（故勿論方式健康與否）而導致有唔同嘅場面境地同狀況。有人覺得被傷害，有人覺得蠢，有人覺得渣，有人覺得被背叛，有人覺得自私，有人覺得理直氣壯，有人覺得委屈，有人覺得事已至此，係咁架啦。
如果有個機會，伴侶之間有可以再溝通再了解再重新認識對方嘅機會，為關係配上新的定義新的玩法，請好好珍惜呢個雙方都要付出心思努力嘅契機，得來不易。
無人一生出黎就係情聖，咁唔係情聖嘅咁唔通就唔值得愛，或去學習點愛？愛點樣分值唔值得？
好鍾意果一段台詞：「真愛不是一個對象。真愛是兩個人在一起經過漫長歲月，重重關卡，還是可以一起快樂一起悲傷彼此不放手，因為這樣而證明了這份感情叫做真愛 。」
不是真愛能通過時間的考驗， 是禁得起時間考驗的才叫真愛。
姐妹們有御夫術不妨過兩招。好需要。
第三，人生好難。完