In Tears

係,我知我地從來都只係小小既低層員工,
以前風平浪靜既時候係,
宜家民不聊生既時候都係。
係,我知換左老闆,
對於好多事情都係收order做野,
但係個宜家呢個老闆真係唔係人咁品。
老闆可以炒員工,
難道員工唔可以炒老闆?

我從小接受既教育都好著重 critical thinking,
直至到今時,有無好好發展呢種 skill 我唔咁講。

香港從來都無自主權,
大英時代係、宜家中央時代都係。
咁從來都係聽人支喵既我地,
究竟出左乜野問題?

可能就係老闆既問題。
以前老闆畀三樣好重要既自由我地,
日子安定繁華。
新人事新作風,
宜家老闆應承左既唔算數,
仲要一步一步收水喉,耍手段。
咁作為員工作為一個人
都有爭取既機會掛?

係咪收水喉我明白係見仁見智。
我好幸福,
我知道我太幸福到盲左睇唔到好多好民不聊生既事情,
但唔代表無。
但對住好多都唔知係真定假既 propaganda,
我每一次都問自己,
有無被翩動,
會唔會淪為政治手段下一只小棋子。
我信 seeing is believing,
但同時我又 challenge 自己,
究竟看到的是事實的幾多。

但係我知道,我感受得到,
香港唔開心,
有錢人擔心未來前景唔開心,
無錢人死捱無出路唔開心。

剛為人父母既我,
想法原來仲會開始偉大啲啲,
會開始思考究竟你想你至愛既下一代生活係一個點樣既地方。

今朝打開新聞。
原來我好鍾意呢個地方。
我會因為呢個景況而喊。
為乜唶。
可能因為我係香港人。

坦白講我對政改係點無意見。
因為無一樣政策可以判係絕對既對或者係絕對既錯。
23條返枱搞唔起,到宜家政改,新方案原地踏步都唔係一個問題。

問題係人。
人既行為,使用既手段,
可以看出人格品行有幾好。

我覺得,呢樣野先係我最視為珍重,
要教育我既孩子既事情。
究竟要係一個乜野人乜野體制管理下既地方生活。

當權者,
宜家令到香港人(警察/法治) vs 香港人(普通市民)
將全部人"攬炒"
你既目的係乜?香港收皮?

我唔知行動會帶來有乜結果,可能無結果。
但係以宜家呢個方式向世界展示發生既野,
say we are hong kong people, we are not happy, we are in tears,
亦好理所當然唶。

我只想香港係一個開心可以生活既好地方而已。

Subscribe
Notify of
0 Comments
Inline Feedbacks
View all comments